Hủy

ການກິນໝາກສົ້ມໂອ ຫຼື ໝາກພຸກໃນປະລິມານທີ່ເໝາະສົມ ສາມາດຊ່ວຍປ້ອງກັນມະເຮັງບາງຊະນິດໄດ້

ການກິນໝາກສົ້ມໂອ ຫຼື ໝາກພຸກໃນປະລິມານທີ່ເໝາະສົມ ສາມາດຊ່ວຍປ້ອງກັນມະເຮັງບາງຊະນິດໄດ້

 

 

ການກິນໝາກສົ້ມໂອ ຫຼື ໝາກພຸກໃນປະລິມານທີ່ເໝາະສົມ ສາມາດຊ່ວຍປ້ອງກັນມະເຮັງບາງຊະນິດໄດ້ ເຊັ່ນ: ມະເຮັງປອດ, ມະເຮັງເຕົ້ານົມ ເເລະ ມະເຮັງຕ່ອມລູກໝາກ.

ໝາກສົ້ມໂອ ຫຼື ໝາກພຸກ ເປັນໜຶ່ງໃນບັນດາໝາກໄມ້ທີ່ເຊື່ອວ່າຫຼາຍຄົນ ຄົງມີີຄວາມຄຸ້ນເຄີຍເປັນຢ່າງດີ.   ໝາກສົ້ມໂອ ເປັນເເຫຼ່ງໃຫ້ ວິຕາມິນບໍາລຸງຮ່າງກາຍ. ໃນການເເພດພື້ນເມືອງ ສົ້ມໂອ ຍັງໄດ້ຖືກ ຄົ້ນຄວ້າ ເເລະ ເຮັດເປັນຕໍາລາຢາປິ່ນປົວພະຍາດທີ່ເເຕກຕ່າງກັນ. ໃນປັດຈຸບັນ, ນັກວິທະຍາສາດຍັງຄົ້ນພົບອີກວ່າ ການກິນໝາກສົ້ມໂອໃນປະລິມານທີ່ພໍເໝາະ ຈະສາມາດຊ່ວຍທ່ານ ປ້ອງກັນມະເຮັງໄດ້ 03 ຊະນິດຄື: ມະເຮັງປອດ, ມະເຮັງເຕົ້ານົມ ເເລະ ມະເຮັງຕ່ອມລູກໝາກ.

 

ກິນສົ້ມໂອ ຊ່ວຍປ້ອງກັນມະເຮັງປອດ

ສູບຢາ ກໍາລັງເປັນທີ່ນິຍົມ ເເລະ ຊິນເຄີຍຂອງຜູ້ຊາຍຫຼາຍທ່ານ. ເຊິ່ງນີ້ກໍ່ເເມ່ນ ສາເຫດຕົ້ນຕໍທີ່ເຮັດໃຫ້ເກີດເປັນ ໂຣກມະເຮັງປອດ, ທັງຕໍ່ກັບຄົນສູບ ເເລະ ຄົນໃກ້ຊິດ.

ຜົນວິໄຈທາງວິທະຍາສາດໄດ້ຍັ້ງຢືນໃຫ້ເຫັນວ່າ ການກິນໝາກສົ້ມໂອ ສະໝໍ່າສະເໝີ ຈະຊ່ວຍຫຼຸດຜ່ອນຄວາມສ່ຽງການເປັນໂຣກມະເຮັງປອດຈາກການສູບຢາ. ເເຕ່ລະມື້ກິນໝາກສົ້ມໂອ 170 ກຣາມ ຈະຊ່ວຍຫຼຸດຜ່ອນຜົນຮ້າຍຂອງຄວັນຢາສູບຕໍ່ກັບຮ່າງກາຍ. ໝາກສົ້ມໂອ ຈະກະຕຸ້ນ enzyme ໃນຮ່າງກາຍ, ຊ່ວຍໃຫ້ຮ່າງກາຍຂອງພວກເຮົາ ຕໍ່ສູ້ຕ້ານກັບມະເຮັງປອດ. ໃນຂະນະດຽວກັນ, ທາງນັກນັກວິທະຍາສາດຍັງພິສູດໃຫ້ເຫັນວ່າ ໝາກສົ້ມໂອເນື້ອສີເເດງ ເເມ່ນມີຄວາມສາມາດປ້ອງກັນມະເຮັງປອດໄດ້ດີສຸດ.

 

ກິນໝາກສົ້ມໂອຊ່ວຍປ້ອງກັນມະເຮັງຕ່ອມລູກໝາກ

ມະເຮັງຕ່ອມລູກໝາກເປັນມະເຮັງທີ່ມັກພົບໃນເພດຊາຍໄວກາງຄົນ, ເຊິ່ງສາເຫດເເມ່ນເນື່ອງມາຈາກການຂະຫຍາຍຕົວໃຫຍ່ຂຶ້ນຂອງຕ່ອມລູຫໝາກເປັນເວລາດົນນານ. ອາການເລີ່ມຕົ້້ນຂອງພະຍາດດັ່ງກ່າວເເມ່ນ ປັດສະວະປວດ, ຍ່ຽວຍັດ,ຍ່ຽວອອກເລືອດ…

ສະນັ້ນເເລ້ວ, ບັນດາທ່ານຊາຍທີ່ມີອາຍຸກ້າວເຂົ້້າໄວ 40 ປີ ຄວນຕ້ອງໃສ່ໃຈໃນການກິນສົ້ມໂອເປັນພິເສດເພື່ອປ້ອງກັນພະຍາດດັ່ງກ່າວ. ໃນໝາກສົ້ມໂອເເມ່ນຈະມີສານຕໍ່ຕ້ານອະນຸມູນອິດສະຫຼະທີ່ອອກລິດເເຮງ, ສາມາດຊ່ວຍໃຫ້ຮ່າງກາຍຂອງທ່ານຕໍ່ສູ້ຕ້ານກັບ ບັນດາສາເຫດທີ່ເຮັດໃຫ້ເປັນພະຍາດມະເຮັງຕ່ອມລູກໝາກໄດ້. ນອກນີ້, ປະລິມານ Vitamin C ທີ່ຖືວ່າມີຫຼາຍໃນໝາກສົ້ມໂອ ຍັງຊ່ວຍເພີ່ມພູມຕ້ານທານຂອງຮ່າງກາຍ ຊ່ວຍປ້ອງກັນກັບພະຍາດຕ່າງໆໄດ້ອີກ. ໂດຍສະເພາະເເມ່ນຕໍ່ກັບຄົນທີ່ເຮັດວຽກໜັກຖາຖົມ.

ກິນໝາກສົ້ມໂອສາມາດປ້ອງກັນພະຍາດມະເຮັງເຕົ້ານົມໃນເເມ່ຍິງ

ໂດຍປົກກະຕິເເລ້ວ ຜູ້ຍິງຈະມັກກິນໝາກສົ້ມໂອ, ໂດຍສະເພາະເເມ່ນໝາກສົ້ມໂອທີ່ມີລົດສົ້ມ ຈໍ້າກັບເເຈ່ວເກືອ. ຄຽງຄູ່ກັບການເພີ່ມເຕີມນໍ້າ ເເລະ ວິຕາມິນໃຫ້ກັບຮ່າງກາຍເເລ້ວ, ທາດ Glucarates ໃນໝາກສົ້ມໂອ – ເຊິ່ງເປັນຊະນິດ phytochemical ທີ່ມີຫຼາຍໃນໝາກສົ້ມໂອ ຍັງຊ່ວຍປ້ອງກັນມະເຮັງເຕົ້ານົມໃນຜູ້ຍິງໄດ້ນໍາອີກ.

ດ້ວຍບັນດາເຫດຜົນຕ່າງໆທີ່ໄດ້ກ່າວມາຂ້າງເທິງ, ກໍຫວັງເປັນຢ່າງຍິ່ງວ່າ ທຸກທ່ານຈະມີຂໍ້ມູນເພີ່ມເຕີມທີ່ເປັນປະໂຫຍດໃນການຮັກສາ-ປົກປ້ອງສຸຂະພາບຂອງຕົນເອງ ເເລະ ຄອບຄົວໃຫ້ຫ່າງໄກຈາກພະຍາດມະເຮັງທີ່ຮ້າຍເເຮງຕ່າງໆ.

ເເຫຼ່ງທີ່ມາ: Vidatox.vn

ຫ້ອງສະຫມຸດ

ຜະລິດຕະພັນ

Giấy phép số: 540/GP-TTĐT ngày 09/03/2015 của Sở thông tin và truyền thông, UBND TP Hà Nội
© 2016 nncpharma.la - nncpharma.vn. All Rights Reserved.