Hủy

10 ວິທີ ສ້າງລູກນ້ອຍໃຫ້ສະຫຼາດສົມໄວ

10 ວິທີ ສ້າງລູກນ້ອຍໃຫ້ສະຫຼາດສົມໄວ

ເຊື່ອວ່າບັນດາຜູ້ເປັນເເມ່ທຸກທ່ານລ້ວນເເລ້ວເເຕ່ຢາກເຫັນລູກນ້ອຍຂອງຕົນເອງເຕີບໃຫຍ່ຢ່າງເເຂງເເຮງ, ສະຫຼາດຮອບຮູ້ ເເຕ່່ຈະມີເເມ່ຈັກຄົນທີ່ຈະຕັດສິນໃຈ ເເລະ ເປັນສ່ວນຊ່ວຍໃຫ້ລູກນ້ອຍສາມາດພັດທະນາຄວາມຮູ້ ຄວາມສາມາດໄດ້ເຖິງຂີດສຸດ. ສະນັ້ນມື້ນີ້ເຮົາລອງມາສຶກສາຂໍ້ມູນ ເເລະ ວິທີການໃໝ່ໆທີ່ຈະຊ່ວຍໃຫ້ລູກນ້ອຍຂອງທ່ານ ເປັນເດັກທີ່ສະຫຼາດ ເເລະ ຮອບຮູ້ ດ້ວຍວິທີ່ທີ່ເເມ່ໆສາມາດເຮັດໄດ້ງ່າຍດາຍມີຄື: 
1. ສ້າງໂອກາດໃນການຮຽນຮູ້ໃຫ້ລູກ : ສະພາບແວດລ້ອມເປັນປັດໃຈສຳຄັນທີ່ເຮັດໃຫ້ເດັກນ້ອຍມີການພັດທະນາການດ້ານສະໝອງທີ່ດີຂື້ນໄດ້ຄື ບ້ານແລະໂຮງຮຽນ, ພໍ່ແມ່ຄວນເປີດໂອກາດໃຫ້ລູກໄດ້ຮຽນສິ່ງໃໝ່ໆເປີດໂລກທັດຂອງລູກຫຼືບໍ່ປິດກັ້ນການພັດທະນາການເດັກນ້ອຍດ້ວຍຄຳວ່າ “ ບໍ່ເຮັດ ”.
2. ໃຫ້ລູກດື່ມນົມແມ່ດົນໆ : ການທີ່ເດັກນ້ອຍໄດ້ດື່ມນົມແມ່ດົນມີໂອກາດເຊື່ອມໂຍງກັບການທີ່ເດັກນ້ອຍໃຫຍ່ຂື້ນ ເປັນຜູ້ໃຫຍ່ທີ່ສະຫຼາດ
3. ຮຽນຮູ້ຈາກການຫຼີ້ນ : ຄວນສົ່ງເສີມໃຫ້ເດັກນ້ອຍໄດ້ເຮັດກິດຈະກຳຫຼືສິນລະປະທີ່ສ້າງສັນເຊັ່ນ:ແຕ້ມຮູບ, ຫຼີ້ນດົນຕີ, ຮ້ອງເພງ ຫຼື ເກມທີ່ເນັ້ນໃຊ້ຮ່າງກາຍໃນການເຄື່ອນໄຫວ.
4. ພາລູກໄປອອກກຳລັງກາຍ : ການອອກກຳລັງກາຍຊ່ວຍໃຫ້ເລືອດໝຸນວຽນໄປລ້ຽງສະໝອງໄດ້ດີ ເມື່ອສະໝອງໄດ້ຮັບອົກຊີເຈນຢ່າງພຽງພໍ ໄວໃນການຄິດວິເຄາະ ແລະ ຂະບວນການຄິດຂອງລູກຈະໄວຂື້ນແລ້ວຍັງເພີ່ມຄວາມສາມາດໃນການຮຽນຮູ້ໃຫ້ກັບລູກອີກດ້ວຍ.
5. ສອນໃຫ້ລູກຄິດບວກ : ການຄິດບວກຊ່ວຍເພີ່ມປະສິດທິພາບການເຮັດວຽກແລະຄຸນະພາບສະໝອງຂອງລູກໄດ້ ໃນທາງກັບກັນການຄິດໃນແງ່ລົບເປັນການບັນທອນສະຕິປັນຍາ ສະໝອງແລະຈິດໃຈ.
6. ສອນໃຫ້ລູກມັກອ່ານໜັງສື : ການອ່ານຖືເປັນການສ້າງຄວາມສະຫຼາດທີ່ດີທີ່ສຸດ ພໍ່ແມ່ຄວນຫາໜັງສືດີໆ ມາອ່ານໃຫ້ລູກຟັງເປັນປະຈຳຫຼືອ່ານເປັນຕົວຢ່າງ ນອກຈາກນີ້ຄວນເປີດໂອກາດໃຫ້ລູກເລືອກໜັງສືທີ່ມັກ ,ພະຍາຍາມຢ່າບັງຄັບລູກຫຼືສ້າງຂໍ້ຈຳກັດໃນການອ່ານຂອງລູກຫຼາຍເກີນໄປ
7. ໃຫ້ຄວາມຮັກແກ່ລູກ : ການທີ່ພໍ່ແລະແມ່ໃຫ້ຄວາມຮັກ ສະແດງຄວາມຮັກເປັນສິ່ງທີ່ສຳຄັນຫຼາຍ ເມື່ອລູກມີຄວາມສຸກ ຮູ້ສຶກອົບອຸ່ນ ຈະເຮັດໃຫ້ເດັກນ້ອຍມີພັດທະນາການທີ່ດີ ດ້ານສະຕິປັນຍາແລະອາລົມດີ.
8. ອາຫານບຳລຸງສະໝອງ : ລູກຄວນໄດ້ຮັບສານອາຫານຄົບ5ໝູ່ ໃນປະລິມານພຽງພໍຕໍ່ຄວາມຕ້ອງການໃນແຕ່ລະມື້ ແລະ ບໍ່ຄວນຂາດອາຫານມື້ໃດມື້ໜື່ງໄປ ລູກຄວນໄດ້ຮັບສານອາຫານສຳຄັນທີ່ຈຳເປັນຕໍ່ການເຮັດວຽກຂອງສະໝອງ.
9. ຮຽນຮູ້ຜ່ານເທັກໂນໂລຢີ : ຕ້ອງຍອມຮັບວ່າໃນປະຈຸບັນທຸກເພດທຸກໄວໃຊ້ສະມາດໂຟນແລະແທບເລັດ ພໍ່ແມ່ຄວນເລືອກແອ໋ບພິເຄຊັ້ນຫຼືວິດີໂອທີ່ເປັນປະໂຫຍດເພື່ອການຮຽນຮູ້ສຳລັບເດັກນ້ອຍ ແຕ່ຄວນໃຫ້ລູກໃຊ້ເທັກໂນໂລຢີທີ່ຈຳເປັນບໍ່ຫຼາຍຈົນເກີນໄປ.
10. ການໃຫ້ກຳລັງໃຈລູກ : ການກະຕຸ້ນໃຫ້ລູກສະຫຼາດບໍ່ແມ່ນການໃຫ້ເຂົາລົງມືເຮັດພຽງຄັ້ງດຽວແລ້ວຈະປະສົບຄວາມສຳເລັດ ແຕ່ເກິດຈາກການເຮັດຫຼາຍຄັ້ງ ຢ່າງຕໍ່ເນື່ອງຈົນເກິດເປັນທັກສະ ຂະບວນການຄິດເກີດເປັນການຮຽນຮູ້ແລະຄວາມສະຫຼາດ

ຈຸດເດັ່ນ

ຫ້ອງສະຫມຸດ

ຜະລິດຕະພັນ

Giấy phép số: 540/GP-TTĐT ngày 09/03/2015 của Sở thông tin và truyền thông, UBND TP Hà Nội
© 2016 nncpharma.la - nncpharma.vn. All Rights Reserved.