Hủy

ວິທີການປະຕິບັດຕົວເບື້ອງຕົ້ນຫາກມີຄົນໃກ້ຊິດ ຫຼື ຕົນເອງປ່ວຍເປັນມະເຮັງ

ວິທີການປະຕິບັດຕົວເບື້ອງຕົ້ນຫາກມີຄົນໃກ້ຊິດ ຫຼື ຕົນເອງປ່ວຍເປັນມະເຮັງ

ວິທີການປະຕິບັດຕົວເບື້ອງຕົ້ນຫາກມີຄົນໃກ້ຊິດປ່ວຍ ຫຼື ສ້າງກຳລັງໃຈແນວໃດຖ້າຫາກເຮົາເປັນຜູ້ປ່ວຍເອງ ເພາະກຳລັງໃຈເປັນສິ່ງທຳອິດທີ່ສຳຄັນໃນການຮ່ວມຜະເຊີນປັັນຫາ ແລະ ຊ່ວຍລົດຄວາມວິຕົກກັງວົນທັງຕົວຢູ່ປ່ວຍ ແລະ ຍາດຂອງຜູ້ປ່ວຍອີກດ້ວຍ
1. ຍອມຮັບແລ້ວກ້າວຕໍ່ໄປ
ຜູ້ປ່ວຍ: ຕ້ອງຍອມຮັບໃຫ້ໄດ້ ຍິ່ງຍອມຮັບໄດ້ໄວເທົ່າໃດ ກໍຍິ່ງຈັດການກັບບັນຫາໄດ້ໄວເທົ່ານັ້ນ
ໝູ່ ຫຼື ຍາດພີ່ນ້ອງ: ຕ້ອງເຂັ້ມແຂງ, ຍອມຮັບ ແລະ ເຂົ້າໃຈສະຖານະການກ່ອນ ຈຶ່ງຈະໄປສ້າງກຳລັງໃຈໃຫ້ຜູ້ປ່ວຍຍອມຮັບໄດ້ຢ່າງມີພະລັງ.
2. ລົດຄວາມກັງວົນ-ໃຫ້ກຳລັງໃຈ
ຜູ້ປ່ວຍ: ກ້າໂອ້ລົມກັບຄອບຄົວ, ໝູ່ຄູ່, ຄົນໃກ້ຊິດ ເພື່ອລະບາຍຄວາມກັງວົນໃຈ ແລະ ຊອກທາງອອກຮ່ວມກັນ.
ໝູ່ ຫຼື ຍາດພີ່ນ້ອງ: ໃຫຜູ້ປ່ວຍໄດ້ລະບາຍຄວາມທຸກ ຫຼີກລ້ຽງການເວົ້າເຖິງຄວາມປ່ຽນແປງ ຫຼື ຄວາມຜິດປົກກະຕິທາງດ້ານຮ່າງກາຍ ແລະ ເລື່ອງໃນແງ່ລົບ ແລ້ວໃຫ້ກຳລັງໃຈ.
3. ເຂົ້າໃຈເຖິງລາຍລະອຽດໃນການຈັດການ
ຜູ້ປ່ວຍ: ຕ້ອງມີສ່ວນຮ່ວມຄິດ, ຮ່ວມຫາທາງຮັກສາ ຈົນຕົວເອງເຂົ້າໃຈ ແລະ ພໍໃຈ ລວມເຖິງການປະຕິບັດຕົນທີ່ຖືກຕ້ອງລະຫວ່າງການຮັກສາ ເພື່ອຫຼຸດຄວາມຜິດພາດ
ໝູ່ ຫຼື ຍາດພີ່ນ້ອງ: ຫຼັງພົບຄວາມສ່ຽງ ແລະ ໄດ້ຂໍ້ສະຫຼຸບ ຍາດພີ່ນ້ອງຕ້ອງຮ່ວມຄິດ, ຕັດສິນໃຈ ຕະຫຼອດຈົນການປະຕິບັດຕົວ ແລະ ອຳນວຍຄວາມສະດວກໃນຊີວິດປະຈຳວັນ
4. ສຶກສາເພີ່ມເຕີມການຮັກສາ
ຜູ້ປ່ວຍ: ຄວນຮູ້ຈັກທຳມະຊາດຂອງໂຣກ ເພື່ອທີ່ຈະເຂົ້າໃຈ ແລະ ຕັ້ງຮັບເຖິງການປ່ຽນແປງໃນແຕ່ລະອາການ ເຊິ່ງຈະຊ່ວຍຫຼຸດຄວາມວິຕົກກັງວົນໄດ້ໃນລະດັບໜຶ່ງ
ໝູ່ ຫູື ຍາດພີ່ນ້ອງ: ສຶກສາຫາຂໍ້ມູນໃນການເບິ່ງແຍງດູແລຜູ້ປ່ວຍເພີ່ມເຕີມ ເພື່ອໃຫ້ການຮັກສາເປັນໄປຢ່າງດີ ແລະ ຕໍ່ເນື່ອງ
5. ອອກກຳລັງກາຍ ແລະ ມີກິດຈະກຳບໍ່ຂາດ
ຜູ່ປ່ວຍ: ອອກກຳລັງກາຍບໍ່ໜັກເກີນໄປ ຊ່ວຍໃຫ້ຮ່າງກາຍສົດຊື່ນ, ນອນຫຼັບດີ, ກະຕຸ້ນການຢາກກິນອາຫານ. ການໄຫຼວຽນເລືອດ ແລະ ຫຼຸດໂອກາດການຖ່າຍຍາກ.
ໝູ່ ຫຼື ຍາດພີ່ນ້ອງ: ພາຜູ້ປ່ວຍອອກກຳລັງກາຍ, ເຄື່ອນໄຫວຮ່າງກາຍຢ່າງສະໝ່ຳສະເໝີ, ນັ່ງລົມ ຫຼື ເຮັດກິດຈະກຳງ່າຍໆຮ່ວມກັນ
6. ຕັດຂາດຈາກສິ່ງທີ່ທຳຮ້າຍສຸຂະພາບ
ຜູ້ປ່ວຍ: ງົດ ຫຼື ເລີກການສູບຢາ, ດື່ມເຫຼົ້າ ຫຼີກລ່ຽງການຢູ່ໃນບ່ອນທີ່ແອອັດເພາະຈະຕິດເຊື້ອໄດ້ງ່າຍ ລວມເຖິງການປ້ອງກັນບໍ່ໃຫ້ເກີດໂຣກແຊກຊ້ອນ
ໝູ່ ຫຼື ຍາດພີ່ນ້ອງ: ຄວນປ່ຽນກັນເບິ່ງແຍງຜູ້ປ່ວຍໃຫ້ຢຸດ ຫຼື ເລີກ ແລະ ໃຫ້ກຳລັງໃຈ, ໝັ່ນຄວບຄຸມພຶດຕິກຳຂອງຜູ້ປ່ວຍຢ່າງຮັກສານ້ຳໃຈໃຫ້ເກີດການຮ່ວມແຮງຮ່ວມໃຈເພື່ອປະສິດທິພາບທີ່ດີໃນການຮັກສາ
7. ປັບພຶດຕິກຳການກິນ ເພີ່ມຄວາມສົດຊື່ນ
ຜູ້ປ່ວຍ: ພະຍາຍາມກິນອາຫານຫຼາຍຂຶ້້ນ ແຕ່ຕ້ອງງົດອາຫານປະເພດຂອງຫວານ ເພາະຈະເຮັດໃຫ້ມະເຮັງຂະຫຍາຍຕົວໄວ ແລະ ງົດອາຫານເຄັມ ເພາະມີຜົນຕໍ່ການເຮັດວຽກຂອງໄຕ ຫຼີກລ້ຽງອາຫານດອງ, ອາຫານຈືນ ຫຼື ອາຫານທີ່ມີກິ່ນແຮງ ເພາະຈະເຮັດໃຫ້ມີອາຫານປຸ່ນທ້ອງ ແລະ ຄວນງົດອາຫານທີ່ກະຕຸ້ນເຊວມະເຮັງ ເຊັ່ນ: ນ້ຳຕານ ຫຼື ຊີ້ນແດງ
ໝູ່ ຫຼື ຍາດພີ່ນ້ອງ: ປັບປ່ຽນສະຖານທີ່ກິນອາຫານຂອງຜູ້ປ່ວຍ, ປ່ຽນໄປກິນອາຫານບ່ອນອື່ນທີ່ມີບັນຍາກາດດີໆ, ອາກາດຖ່າຍເທ, ມີແສງແດດ, ຕົ້ນໄມ້ ຫຼື ດອກໄມ້.
8. ຕັ້ງເປົ້າໝາຍໃຫ້ລາງວັນຊີວິດ
ທັງຜູ້ປ່ວຍ ແລະ ຄົນໃກ້ຊິດຕ້ອງໃຈກົງກັນວ່າ ການມີຊີວິດຢູ່ຕໍ່ນັ້ນມີຄວາມໝາຍຫຼາຍ ທັງຕໍ່ຕົນເອງ, ຄົນອ້ອມຂ້າງ. ຍັງມີສິ່ງທີ່ມັກ, ກິດຈະກຳທີ່ຢາກເຮັດ, ສະຖານທີ່ທີ່ຍັງບໍ່ໄດ້ໄປ ຫຼື ແມ່ນຫຍັງທີ່ຮັກ ຕັ້ງເປັນແຮງບັນດານໃຈເລີຍວ່າ ຈະຕາຍບໍ່ໄດ້, ຈະຕ້ອງປົວຫາຍດີ ແລ້ວຈະຕ້ອງເຮັດໄດ້ ແລະ ເອົາລາງວັນທີ່ຕັ້ງໄວ້.

ຈຸດເດັ່ນ

ຫ້ອງສະຫມຸດ

ຜະລິດຕະພັນ

Giấy phép số: 540/GP-TTĐT ngày 09/03/2015 của Sở thông tin và truyền thông, UBND TP Hà Nội
© 2016 nncpharma.la - nncpharma.vn. All Rights Reserved.